【milkie原创】粤语的童谣,不知道你又会唱几首呢?
Milkie 2014-03-21

   好怀念以前小的时候,会唱好多有趣的童谣,现在回想起来,怎么发觉以前会唱,现在都好像忘记了。不知道同学们又记得那些呢?长大了忘记了现在都学学吧,以后孩子出世后去教教他们。

◆地上执到宝,问天问地攞唔到 
◆大笨象,揸支枪,去打仗,打完仗,翻来食碗辣椒酱,辣死大笨象 
小明为咗爱情,冲入电视城,杀咗郭富城,食咗ABCD感冒灵,爱上咗陈松玲 
小明放督屁,臭天又臭地,臭到意大利.臭到意大利D人都无定lei 
肥佬肥腾腾,买旧猪肉去拜神,行下行下屎忽痕,飞上天去打敌人,打到条裤变左条裙。(出街果时候见到肥佬都会笑O(∩_∩)O哈哈~)

 
跟人尾,食人屁,做人妹仔放臭屁。 
丑丑丑,丑甩耳仔送烧酒。(爸妈细个过时整日甘讲~~) 
千金小姐万金油,请你嫁个湖南头! 
岳母见女婿!口水爹爹渧 
话卑老师知,话你偷荔枝,荔支未熟,话你中毒,医生话你无得医~话你变僵尸~~~(食荔枝果时候小心D)
打开蚊帐,打开蚊帐,有只蚊,有只蚊,快啲攞把扇嚟,快啲攞把扇嚟,拍走佢,拍走佢。 (其实系翻版噶两只老虎~~妈妈有时候都甘做(*^__^*)嘻嘻……)

 
1234567,肥婆跳舞跳第一 跳得高,裤头邋,跳得矮,唔好睇 
食野唔做野,做野打烂野 (做人要聪明+勤力)
落雨大水浸街,阿妈担柴上街卖...(卖得几多钱呀) 
氹氹转,菊花圆,阿妈叫我睇龙船,我吾睇睇鸡仔,鸡仔大捉去卖...(卖得几多钱呀) 
河边有只羊,河边有只象,河边有只马骝仔,好似你咁样!   
边个话我傻傻傻.我请佢食烧鹅. (真系白痴)
餐餐食猪骨,好过卑人屈 
叽叽喳喳食蔗渣 
菊花菊花问你几时开花,听日唔开后日开朵大菊花~~ 
天马流星拳,送你入黄泉,庐山升龙霸,你个瓜窿大爆炸 
(补:星云锁链,打到你唔记得拉裤链,哈哈........) (有无人记得天马流星拳系边个嘎)

牛公蒸鸡,蒸左自己鸡,走出天街栋高箩柚晒,晒到烂晒,无药卖 
啊妈话稍牙好,稍牙点解好,稍牙可以刨西瓜,落雨可以遮下趴,饮茶可以隔茶渣,仆街可以产泥沙,劈油可以挡两下!(有无想起家燕姐?)
样衰衰,比狗追 
握握手,做个好朋友! (好似中有 呃呃手好朋友,我系朋友,你系狗)
着鞋吾着袜,打出大碌七 
大姑丈,撞埋墙大姑母,水瓜布, 
男人头,女屎忽,揸支红旗认第一~~~ 
米出米入,入亲无眼核 



哈哈哈,上面的有部分比较。。。。。不过真的很搞笑哦~~

1)落雨大 
落雨大,水浸街,阿哥担柴上街卖,阿嫂出街着花鞋,花鞋花袜花腰带,珍珠蝴蝶两边排.排排都有十二粒,粒粒都係解放牌. 
2)排排坐 
排排坐,吃果果,猫衣担凳比姑婆坐,坐烂个屎忽,唔好赖我,赖番隔离个二叔婆 
3)捉大贼 
点指兵兵,点指贼贼,点着谁人做大兵,点着谁人做大贼. 
4)跳橡筋 
董存瑞,十八岁,为国牺牲炸堡垒,炸到堡垒咯咯脆,全国人民流眼泪. 
5)月光光 
月光光,照地堂,虾崽你乖乖瞓落床 
听朝阿妈要捕鱼虾啰,阿爷看牛要上山坡 
哦哦哦......  
阿崽你快高长大啰帮手阿爷去看牛羊 
哦哦哦......  
月光光,照地堂,虾崽你乖乖瞓落床 
听朝阿妈要捕鱼虾啰!阿嫲织网要织到天光 
哦哦哦...... 
虾崽你快高长大啰撑艇撒网就更在行 
哦哦哦...... (听完好想训觉啊~~怀念ing)
6)点虫虫 
点虫虫,虫虫飞,飞到荔枝基,荔枝熟,摘满屋,屋满红,陪住个细蚊公. 
7)氹氹转 
氹氹转,菊花圆,炒米饼,糯米团,阿妈叫我睇龙船,我唔睇,睇鸡仔,(好像小时候女生们有个游戏关于这句话的)
鸡仔大,摞去卖,卖得几多钱?卖得三百六十五个仙. 
8)猜呈沉 
呈沉剪,呈沉包,呈沉糯米叉烧包.老鼠唔食香口胶,要食豆沙包. 
9)骑牛牛 
骑牛牛,牛牛走,牛牛响前咪回头,若然回头就打箩柚. 
10)掟砖头 
掟砖头,斗大够,一掟掟到西门口,溅起浪花抛浪头. 
11)劈友 
劈友,劈友,快啲走,走得快,好世界,走得磨,无鼻哥. 
12)咕碌咕碌 
纸皮纸皮打纸皮,上上下下左左右右前前后后,咕碌咕碌一,咕碌咕碌二,咕碌咕碌三,准备开炮打敌人!(呢个好似系用来玩石头剪刀布)
13)拍大骳 
拍大骳,唱山歌,人人话我无老婆,嘀起心肝娶返个,有钱娶个娇娇女, 
无钱娶个豆皮婆,豆皮婆,食饭食得多,屙屎屙两箩,屙尿冲大海,屙屁打铜锣. 
14)暧姑乖 
嗳姑乖,嗳姑乖 ,嗳大阿姑乖要嫁后街.后街有啲乜嘢卖, 有啲鲜鱼鲜肉卖 
重有鲜花戴,戴唔哂,落床头畀老鼠拉 ,拉去边 ,拉去大新街. 
15)鸡公仔 
鸡公仔,尾弯弯,做人新抱甚艰难!早早起身都话晏,眼泪唔乾入下间, 
下间有个冬瓜仔,问安人老爷煮定蒸, 
安人又话煮,老爷又话蒸,蒸蒸煮煮唔中安人老爷意, 
大把拉盐又话淡,手甲挑盐又话鹹,三朝打烂三条夹木棍,四朝跪烂四条裙! 
咁好花裙畀你跪烂,咁好石头畀你跪崩!横又难,直又难,不如舍命落阴间! 
人话阴间条路好,我话阴间条路好艰难! 
16)大食懒 
大食懒,起身晏;洗冷水,食冷饭. 
17)收买佬 
收买烂铜烂铁,收买旧报纸,收买烂铜烂铁,收买旧报纸 
旧报纸呀堆满屋,旧仔呀摆满厅,旧衬衫呀塞满房,问阿妈呀点算好 
旧也好新也好.旧与新都可变宝.卖了它即可变钱.若要钱搵收卖佬 
收卖佬天天上路,没理风吹兼雨打,一买一收一世乐,旧也好呀新也好 
卖了旧报纸买噹噹糖,卖了旧仔买甘草榄,收买佬天天上路,旧也好他都当宝 
18)阿公公 
阿公仔,须扒扒,你饮酒,我饮茶,茶苦唔好食,酒醉唔好饮,我们快去外面玩泥沙. 
20)斩料,斩料,斩嚿大叉烧.油鸡卤味样样都要,斩嚿大叉烧,哗! 
21)打开蚊帐打开蚊帐,有只蚊,有只蚊,快啲罗个拍来,快啲攞个拍来,拍晕佢、拍晕佢. 
22)一只竹仔易折弯,几只竹仔欲折难,孤掌莫欺倚.团结方可有力量.大众合作不分散,千钧一发亦当闲,群策群力无猜忌,一期都好顺利,好. 
23)大西瓜、多好啊,个个都像吃,大家分、切开它,味道顶呱呱,唔小心、吞左啦, 
圆圆几粒啊哎呀呀,问妈妈、点算啊,头顶长西瓜!妈妈、笑住话,****** 
从春天、到冬天,时时有西瓜. 


醜醜醜,醜甩個耳仔送燒酒 
豬頭丙,扮老醒,其實唔值個鬥擰 
肥騰騰,買舊豬肉去拜神 
以為佢好醒,原來系個豬頭丙; 
以為佢好Fit,原來系個大水瀄 
做个勇敢中国难民,吃错奶粉打错人,我为你牺牲你为我抽筋,终于瓜老衬! 
又喊又笑 
乌蝇打叫 
禽佬濑尿 
老鼠行桥 
行到西门口 
比人打罗友 
.......(最后一句比较粗俗,就算了,好像还有另一个版本哦~) 
荷里活有间大酒店 
三个肥婆学踢波 
......(以下的不详,望知者补上) 
何家公鸡何家猜: 
真怪诞呀又有趣,阿望望公园里,有四百只公鷄咯咯咯,是何家都不知道, 
何家公鸡何家猜,何家小鸡何家猜,何家公鸡何家 猜,何家母雞咯,咯,咯 
猴子哥哥熊先生 松鼠妹妹 牛叔叔 黃狗爸爸 羊媽媽 來猜來猜落 
齊齊望過去: 
齊齊望過去清溪里有只青蛙想跳水,齊齊望過去山窿里有只獅子竟飲醉........本文图片来自网络

  (*^__^*)嘻嘻……,你现在学会几首了,本人建议教孩子的时候要取其精华去其糟粕。

 

评论