电子请柬 结婚吉日 预算清单下载使用

【natalie 原创】广州仔女论广州之变化
natalie12022012-10-20

今日搭紧车个阵睇到公交车上面噶显示屏,播紧珠江台630新闻。有一则新闻令到我好震惊,锦汉中心系年底要拆啦。可能未必好多人知道锦汉中心,虽然距无琶洲展览馆甘大,但系广州市中心来讲都算得上数一数二噶展览馆。我对锦汉可以讲好有感情,大学个阵我同班同学仔一齐系锦汉搞漫展,个次系我第一次去做所谓噶生意仔,第一次体验到咩叫亲力亲为,并且赚左我地噶第一桶金,所以加下听到距要拆,我真系觉得好惊讶。


其实话惊讶,系另一方面又可以讲预左距会拆。因为加下噶广州到处都系度拆屋,5好话10年前噶广州,就我个同学5年无翻来广州都5认得晒d路,系我噶心入面觉得宜家噶广州真系周围都拆到面目全非。对于一个甘现代化噶城市来讲,拆屋是无可避免,但对于系老城区长大噶我来讲,我真系憎死呢个以城市化发展为藉口,不断甘系广州搞破坏。我一出世就住系老西关大同路和隆里某一家趟拢屋入面,知道咩系趟拢屋么?就系下九路好多铜雕塑其中有一个就系以呢个做题材。以前呢种屋到处可见,宜家变成一种西关遗产,点解叫遗产,因为就快拆到稳5到啦。我豆钉甘细个噶时候个个街坊都好有人情味,打开栋门就会见到大家,行出行入都会倾下计,虽然生活无宜家甘多姿多彩,起码系左邻右里互相扶持。“你5得闲凑女啊?我帮你带咯。”宜家无呢支歌仔唱咯。米话住系同一个小区,就算住系同一栋楼,见到面都5会打招呼啦。无几耐,我住噶大同路要拆啦,话要起地铁,就系宜家噶地铁一号线沙面站。以前每逢星期六,我妈都会带我去吃噶个间肠粉店就甘就拆左啦。我印象好深刻,系个间肠粉店入面我妈第一次教我要同去买野食噶妈妈留一个座位,个阵时我先得3岁。可能真系越大以前噶野就会越记得清楚,宜家所有呢d记忆都剩翻一栋栋墙。


到我读幼儿园,我搬左去德星路,边度系德星路?上九路同下九路交界个条就系德星路。个阵下九路都仲未系步行街,荔湾广场都仲系水泥厂噶5知边一度。每日我爸就拖住我只手,送我去幼儿园,即系宜家荔湾广场中心花园个位置,系个度我度过我童年最无忧无虑噶4年。到我再大d读小学啦,冬天个阵翻学,我系一早我跑步翻去宜家华林寺玉器城旁边个条食街翻学,而我妈帮我拿书包跟系我后尾去学校,因为个阵我要参加学校冬季游泳训练,我要做热身,跑热个身先感落水,以前噶泳池边有恒温呢样野,游完水,我记得我个阵冻都个嘴唇都系紫色噶,我妈就罗住个暖水壶倒定热水比我饮来暖身。到后尾有左步行街,我地一班同学仔每人夹几钱去行街。夜晚吃完饭,从下九路一直行到十八蒲,一条大马路上面人流稀疏边会好似依家人山人海,行到行五到。个阵成条下九路最出名就系永安百货、妇儿公司,加下得翻妇儿一家老式百货系度,连个阵我地好中意去食菠萝冰噶冰室都无埋,我仲好记得一杯菠萝冰要3蚊,一个红豆伴雪球要5蚊。宜家我读个间幼儿园比人拆左,小学名义上比人合并左,只保留系玉器街入面噶一个分校。成条步行街都5同晒样,如果我要怀缅过去就只剩翻呢个我小学一年级上课噶分校,同埋以前小学门口个两棵大榕树,仲有比人话系文物噶五眼古井,个阵做值日生倒垃圾就系倒系个古井旁边。


因为荔湾广场噶拆迁,我地搬左去宜家住紧个度。每日翻学就搭住我爸噶单车尾,从海南踩过人民桥翻到海北上课,个阵康王路都仲未有,只要镇安路,宜家好多人都五知镇安路系边,米话会知镇安路路名个来源。老广个个都知沙面噶六二三惨案,所以沙面出面个条路为左纪念呢个日子改名为六二三路,以镇安路系想惨案噶亡魂得到安息以命名,仲有一个纪念碑宜家放系人民桥脚下面,沿江路人行道上面。宜家噶镇安路仲系度不过已经得翻好短一部分,就系康王北路第一个红路灯前面噶水蛇村到文化公园转角位,100米都无噶距离。到放学,我要自己一个人从宜家食街个度经过杨巷路、镇安路行到翻来人民桥脚,一个四年级学生背住个大书包系甘行左大半个钟先翻到屋企。直到我升上高中,我考到去陈家祠旁边噶32中,未听过32中?更系啦,宜家都变成陈家祠广场噶一部分咯。


或者值得庆幸噶系我读个间高中系百年老校,系广州都小有名气,只有距合并其他学校,暂时都未有学校吞得落据。大学就5使讲啦,我假假地都系重点大学毕业,仲未去到连间母校都要比人拆左噶程度。不过之前我住个度竟然有领导话要拆~~你老妹~~真系拆到上左瘾,后尾都系苏市长出来讲要保留翻南华西噶骑楼街风格,先无事。


前个排,西郊泳场要进行改造,改造就代表住又要拆啦。呢个地方虽然我已经还耐无来过,但呢度系我第一次学识游水噶地方。系我大概3岁个阵,我老豆就带我来西郊泳场教我游水,个阵我好细粒,连1号池最浅个度都5够高,但我老豆5理三七二十一掉我落水等我自生自灭。以我老豆噶讲法就系饮多几啖水就会识游水噶啦~就系甘我学识左游水,奕都系甘我先会系小学个阵比老师选左入校游泳队。宜家噶西郊泳场要改建成沙滩泳场,原本噶所有泳池都比人拆晒,1号池、2号池、深水池、娃娃池都无晒,就算宜家再去翻都稳5到以前个种感觉咯。


到宜家为止,系我生命入面前16年所有有纪念价值噶地方都可以讲面目全非了。我觉得城市发展固然系重要,但点解无人去谂下系城市发展下面保留翻d属于广州独有噶味道呢?亚运粉饰工程将所有噶楼都变成一个样,连沙面独有噶欧式房屋都系同一手法处理,提出呢d方案噶决策者,5系新广州人就系为左标榜自己政职而谂埋晒d劳民伤财噶屎桥。我5系歧视d新广州人,我系好多谢d新广州人为呢个城市噶发展有所贡献,我系觉得系包容新事物、新移民个阵可5可以保留翻少少噶空间留翻比我地呢d土生土长噶广州仔女,起码留比我地讲广州话噶权利,等我地噶后代都知道,原来粤语先系我地噶母语。


评论

和你一起走到世界尽头